ಹುಬ್ಬಳ್ಳಿ: ಸರ್ಕಾರದ ಸುತ್ತೋಲೆ ಅನ್ವಯ ಪ್ರಸಕ್ತ ಸಾಲಿನಲ್ಲಿ ಏಪ್ರೀಲ್ 1 ರಿಂದ ಜೂನ್ 30 ರವರೆಗೆ ಶೇ.5 ರಷ್ಟು ರಿಯಾಯಿತಿಯೊಂದಿಗೆ ಆಸ್ತಿ ತೆರಿಗೆ ಪಾವತಿಸಲು ಅವಕಾಶ ನೀಡಿದ್ದ ಕಾಲಮಿತಿಯನ್ನು ಜುಲೈ 31 ರವರೆಗೆ ವಿಸ್ತರಿಸಲಾಗಿದೆ.
ಕೋವಿಡ್ 19 ಹರಡುತ್ತಿರುವುದರಿಂದ, ಸಾರ್ವಜನಿಕರ ಹಿತದೃಷ್ಟಿಯಿಂದ ತೆರಿಗೆ ಪಾವತಿಸಲು ಪರ್ಯಾಯ ವ್ಯವಸ್ಥೆ ಮಾಡಲಾಗಿದ್ದು, ಆಗಸ್ಟ್ 1 ರಿಂದ ಮಾಸಿಕ ಶೇ. 2 ರಷ್ಟು ದಂಡದೊಂದಿಗೆ ಆಸ್ತಿ ತೆರಿಗೆ ವಿಧಿಸಲಾಗುವುದು.
ಆನ್ ಲೈನ್ ನಲ್ಲಿ http://www.hdmc.mrc.gov.in ವೆಬ್ ಸೈಟ್ ಮೂಲಕ ವಿವಿಧ UPI, G-Pay, Phonepe, Paytm ಹಾಗೂ NEFT/ RTGS ಮುಖಾಂತರ INDIAN Overseas Bank ಖಾತೆ ಸಂಖ್ಯೆ 012601000202020 ಐ. ಎಫ್. ಎ.ಸಿ. ಕೋಡ್ IOBA 0000126, YES Bank ಖಾತೆ ಸಂಖ್ಯೆ 024981300000014 ಐ.ಎಫ್.ಎಸ್.ಸಿ.ಕೋಡ್ YESB0000249, CANARA Bank ಖಾತೆ ಸಂಖ್ಯೆ 2538106003554 ಐ. ಎಫ್. ಎ.ಸಿ. ಕೋಡ್ CNRB0002538, ಮತ್ತು INDUSIND Bank ಖಾತೆ ಸಂಖ್ಯೆ100032405328 ಐ.ಎಫ್.ಎಸ್.ಸಿ. ಕೋಡ್ INDB0000058 ಖಾತೆಗಳಿಗೆ ಸಾರ್ವಜನಿಕರು ಆಸ್ತಿಕರ ಸಂದಾಯ ಮಾಡಬಹುದು.
ಹಿಂದಿನ ವರ್ಷದ ಆಸ್ತಿ ತೆರಿಗೆ ಬಾಕಿ ಪಾವತಿಸದಿದ್ದವರೂ ಸಹ ತಮ್ಮ ಆಸ್ತಿ ತೆರಿಗೆಯನ್ನು ಕೂಡಲೇ ಪಾವತಿಸಿ ಪಾಲಿಕೆ ಕೈಗೊಳ್ಳಲಿರುವ ಅಭಿವೃದ್ಧಿ ಕೆಲಸಗಳಿಗೆ ಜವಾಬ್ದಾರಿಯುತ ಪಾಲುದಾರರಾಗಲು ಹು-ಧಾ ಮಹಾನಗರ ಪಾಲಿಕೆ ಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
